Poema Milagro II El sacristn impdico de Gonzalo de Berceo

Milagro II El sacristn impdico

de Gonzalo de Berceo



Amigos si quissiessedes un poco esperar,
Aun otro miraclo vos querria contar
Que por Sancta Maria denn Dios demostrar,
De cuya lege quiso con su boca mamar.

Un monge beneito fue en una mongia,
El logar non lo leo, deir non lo sabria:
Querie de corazon bien a Sancta Maria,
Faie a la su statua el enclin cada dia.

Faie a la su statua el enclin cada dia,
Fincaba los enoios, diie Ave Maria:
El abbat de la casa diol sacristania,
Ca tenielo por cuerdo, e quito de follia.

El enemigo malo de Belebud vicario
Que siempre fue e eslo de los buenos contrario,
Tanto pudi bullir el sotil aversario,
Que corrompi al monge, fizlolo fornicario.

Prso un uso malo el locco peccador:
De noche quando era echado el prior,
Issie por la eglesia fuera del dormitor,
Corrie el entorpado a la mala labor.

Siquier a la exida, siquier a la entrada,
Delante del altar li cadie la passada:
El enclin e la Ave teniela bien usada,
Non seli oblidaba en ninguna vegada.

Corrie un rio bono erca de la mongia,
Avialo de pasar el monge todavia:
Do se vinie el de complir su follia
Cadi et enfogsse fuera de la freiria.

Quando vino la ora de matines cantar
Non avie sacristano que podiesse sonar:
Levantaronse todos quisque de su logar,
Fueron a la eglesia al fraire despertar.

Abrieron la eglesia commo meior sopieron,
Buscaron al clavero, trobar non lo podieron,
Buscando suso e iuso atanto andidieron,
Do iaie enfogado alla lo enfirieron.

Que podrie seer esto non lo podieron asmar,
Sis muri ol mataron non lo sabien iudgar,
Era muy grant la basca e maior el pesar,
Ca cadie en mal preio por esto el logar.

Mientre iaie en vanno el cuerpo en el rio,
Digamos de la alma en qual pleito se vio:
Vinieron de diablos por ella grant gentio
Por levarla al bratro de deleit bien vaio.

Mientre que los diablos la traien com a pella,
Vidieronla los angeles, desendieron a ella,
Fieron los diablos luego muy grant querella,
Que suya era quita, que se partiessen della.

Non ovieron los angeles razon de voealla,
Ca ovo la fin mala, e asin fu sin falla,
Tirar non lis podieron valient una agalla,
Ovieron a partirse tristes de la batalla.

Acorrioli la Gloriosa reyna general,
Ca tenien los diablos mientes a todo mal:
Mandolis atender, non osaron fer al,
Moviolis pletesia firme e muy cabdal.

Propuso la Gloriosa palabra colorada:
Con esta alma, foles, diz, non avedes nada,
Mientre fue en el cuerpo fue mi acomendada,
Agora prendrie tuerto por yr desamparada.

De la otra partida recudi el voero
Un sabidor diablo sotil e muy puntero:
Madre eres de fijo alcalde derechero,
Que non plae la fuerza nin es end plaentero.

Escripto es que el omne alii do es fallado,
O en bien o en mal por ello es iudgado:
Si esti tal decreto por ti fuere falssado,
El pleit del Evangelio todo es descuidado.

Fablas, diz la Gloriosa, aguis de cosa nesia:
Non te riepto, ca eres una cativa bestia:
Quando ixio de casa, de mi prso liencia,
Del peccado que fizo yol dar penitenia.

Serie en fervos fuerza non buena pareenia;
Mas apello a Xpo. a la su audienia,
El que es poderoso pleno de sapienia:
De la su boca quiero oir esta sentenia.

El Rey de los ielos alcalde sabidor
Parti esta contienda, non vidietes meior:
Mand tornar la alma al cuerpo el Sennor
Dessent qual mereiesse reibrie tal onor.

Estaba el convento triste e dessarrado
Por esti mal exiemplo que lis era uviado:
Resusit el fraile que era ya passado,
Espantaronse todos, ca era aguisado.

Fablolis el buen omne, dissolis: companneros
Muero fui e so vivo, desto seet bien erteros,
Grado a l aGloriosa que salva sos obreros,
Que me libr de manos de los malos guerreros.

Contlis por su lengua toda la ledania
Que diien los diablos, e que Sancta Maria,
Commo lo quit ella de su podestadia:
Si por ella non fuesse, seria en negro dia.

Rendieron a Dios graias de biuena voluntat,
A la sancta Reyna madre de piedat,
Que fizzo tal miraclo por su benignidat,
Por mi est mas firme toda la xpiandat.

Confessose el monge e fizo penitenia,
Meiorose de toda su mala contenenia,
Sirvi a la Gloriosa mientre ovo ponteia,
Fin qundo Dios quiso sin mala repindenia,
Requiescat in pae cum divina clemenia.

Muchos tales miraclos e muchoss mas granados
Fizo Sancta Maria sobre sos aclamados:
Non serien los millesimos por nul omne contados,
Mas de los que sopieremos seed nuestros pagados.

? Captulo anterior
Ttulo del captulo
Captulo siguiente ?

Milagro I
Milagro II
Milagro III



Analizar métrica y rima de Milagro II El sacristn impdico